ازاي أرتاح في الجيش؟
ملحوظة : اذا تم توجيهك الى موقع اخر غير موقع التحميل قم بالرجوع مرة اخرة واضغط على رابط التحميل وسيتم توجيهك الى موقع التحميل الحقيقي
فى هذه المقالة هقولك علي ازاي ترتاح فى الجيش او كما يبحث الزوار ازاي أرتاح في الجيش؟ .
من هم العساكر الاكثر راحة في الجيش:
اكثر العساكر راحة في الجيش عساكر الامن, ولكن لماذا عساكر الامن هم الاكثر راحة ببساطة لان عساكر الامن مبيطلعوش خدمات والخدمات عبارة عن انك بتطلع تقف في برج وتمسك سلاح هي دي الخدمات, وغير كده عسكري الامن بيعرف يدخل بالموبايل بتاعه في الجيش لان مفيش عسكري امن هيروح يفتش صاحبه لانهم هما الاتنين معاهم موبايلات ومش هيتعاملوا ميري مع بعض, يعني عسكري الامن في الوحدة ممكن يدخل اي حاجة هو عايزها ومحدش هيقرفه من الصولات او العساكر لان التعامل بيكون بينه وبين نقيب الامن او رائد الامن حسب الوحدة.
ولكن هل عساكر الامن بس في الجيش هم الاكثر راحة:
مش شرط تكون عسكري امن علشان تكون مستريح في الجيش, لانك ممكن تكون عسكري مكتب لرتبة معينة فالرتبة دي بتمنع ان العساكر بتوعهم يطلعوا خدمات, فانت بيكون عليك انك تعمل قهوة وشاي للرتبة وتنضف المكتب وبكده انت مستريح اينعم هيطلقوا عليك لقب سيكا في الجيش ولكنك هتكون مستريح فكبر دماغك سيكا سيكا المهم متطلعش خدمات في عز البرد ولو هما اتعرض عليهم نفس الي انت فيهم هتلاقيهم كلهم هيقلبوا سيكات.
وقت الراحة في الجيش:
انت ممكن تكون في مكان في الجيش مش مستريح في الاول ولكن علشان انت مستجد لكن بعد لما تقدم ويجي عليك عساكر جديدة هتستريح وهما هيشتغلوا فمش طول الوقت في الجيش انت هتتعب.
اماكن اخري في الجيش مريحة ولكن انت وحظك:
انت ممكن تكون عسكري كانتين هتكون مستريح بس اي عجز في الفلوس هتدفعه من فلوسك , عسكري الحلاق برضو ممكن تكون مستريح ولكن لو مطلعتش خدمات, عسكري الميز ظباط هتكون مستريح الشغل في مش كتير والرتب ممكن توصي عليك متطلعش خدمات.
